На базе Судкоўскага сельвыканкама адбылося выязное пасяджэнне прэзідыума раённага Савета дэпутатаў.
Разгледжана планавае пытанне «Аб рабоце ўчастковых інспектараў міліцыі РАУС па прафілактыцы злачынстваў, правапарушэнняў, сямейнага недабрабыту ў Хойніцкім раёне».
Як адзначыла старшыня раённага Савета дэпутатаў Галіна Бондар, прававы дабрабыт шмат у чым залежыць ад прафесіяналізму ўчастковых інспектараў міліцыі, ім важна ўмець наладзіць кантакт з насельніцтвам, умець выслухаць, падказаць, дапамагчы.
Папярэдне праведзена анкетаванне насельніцтва. Удзел у апытанні прынялі 378 чалавек. 69% рэспандэнтаў адказалі, што ведаюць свайго ўчастковага, 29% звярталіся да яго, 54% апытваемых праводзімую ім прафілактычную работу назвалі здавальняючай, 77% адказалі, што адчуваюць сябе ў бяспецы ў сваім населеным пункце. 83% рэспандэнтаў гатовы дапамагаць супрацоўнікам РАУС у барацьбе са злачыннасцю, аднак, 34% з іх згодны рабіць гэта толькі ананімна.
Начальнік ААПП РАУС Артур Сялецкі праінфармаваў аб праводзімай рабоце, узаемадзеянні з суб’ектамі прафілактыкі.
Ул. інф.
