Сёння ў горадзе адбылося іскрыстае, шумнае, шчырае свята. Тут гудзела і лікавала сапраўдная Каляда!
На плошчы Леніна атмасфера была зараджана такой радасцю, што, здавалася, нават зоры на небе пачыналі танцаваць пад народныя песні. Для ўсіх хойнічан і гасцей горада разгарнулася дзівоснае тэатралізаванае прадстаўленне «Калядуем, калядуем і ў нашай хаце шчасце чуем!».
Дарэчы, свята карысталася вялікім попытам: нягледзячы на моцныя маразы выступленні нашых артыстаў прыйшло пабачыць нямала хайнічан, асабліва ў мікрараёне «Юбілейны».
Гэта жывы, яркі, маляўнічы спектакль: задорныя калядкі, дзе кожны адчуваў сябе часткай адной вялікай сям’і, дзе ў кожным сэрцы – шчасце, а ў кожным доме – дастатак і радасць. Кожны зрок, кожная песня нагадвалі пра старажытныя звычаі і дапамагалі адчуць адзінства.
Асноўным з іх была традыцыя дзяліцца хлебам-соллю. Вясёлая гаспадыня запрашала ўсіх да шчодрага стала. Як сімвал дабрабыту і гасціннасці, на ім стаялі класічныя беларускія стравы: апетытныя салёныя агручыкі, смачнае сала з хлебам, залацістыя баранкі.
Ларыса КАПЫЛОВА.
Фота аўтара.
