Рубрика: Спорт

ВІЧ-інфекцыя – захворванне, якое выклікаецца вірусам імунадэфіцыту чалавека. Характарызуецца павольным цячэннем, паражэннем імуннай і нервовай сістэм, з наступным развіццём на гэтым фоне вірусных, бактэрыяльных і грыбковых інфекцый, якія прыводзяць да лятальнага зыходу. Ад ВІЧ да з’яўлення СНІДу можа прайсці ад 2 да 15 год. СНІД – гэта тэрмінальная фаза ВІЧ-інфекцыі.

У рамках пагадненняў паміж урадамі Рэспублікі Беларусь і Кітайскай Народнай Рэспублікі ад 13 снежня 2004 года і 26 верасня 2005 года Дэпартаментам па ліквідацыі вынікаў катастрофы на Чарнобыльскай АЭС Міністэрства па надзвычайных сітуацыях Рэспублікі Беларусь перададзены ўстановам аховы здароўя Гомельскай і Магілёўскай абласцей на бязвыплатнай аснове 13 сучасных рэнтгенапаратаў вытворчасці Кітайскай Народнай Рэспублікі. Медыцынскі рэнтгенаўскі комплекс AXGРSM80 коштам 460 мільёнаў беларускіх рублёў паступіў па гуманітарнай лініі ў нашу цэнтральную раённую бальніцу. Мантаж абсталявання будзе праведзены ў першым паўгоддзі будучага года кітайскімі спецыялістамі.

Спрыяльным атрымаўся мінулы месяц для хойніцкіх цяжкаатлетаў. Спачатку нашы юныя майстры “жалезных гульняў” занялі пятае месца на першынстве рэспублікі сярод каманд спецыялізаваных дзіцяча-юнацкіх спартыўных школ і вучылішчаў алімпійскага рэзерву, якое праходзіла ў старажытным Бабруйску. Гэты вынік можна назваць выдатным, калі ўлічыць той факт, што на старт спаборніцтваў выйшлі прадстаўнікі 30 лепшых спортшкол і спецыялізаваных вучылішчаў краіны.

Прычынай СНІДу з’яўляецца вірус, які паражае клеткі імуннай сістэмы чалавека і робіць іх няздольнымі абараняць арганізм ад захворванняў. Хаця ў чалавечай клетцы ў 100000 разоў болей генетычнай інфармацыі, чым у самім вірусе, ВІЧ атрымлівае перамогу і знішчае клетку. Вірус вызначаецца неверагоднай зменлівасцю. Хуткасць рэгенерацыі ВІЧ настолькі высокая, што ў прыродзе, мабыць, не існуе двух абсалютна ідэнтычных геномаў віруса. Менавіта па гэтай прычыне такім складаным бачыцца стварэнне лякарства. На сённяшні дзень не існуе прэпарата, які забяспечыў бы поўнае вылечванне, удаецца толькі стрымаць развіццё хваробы.

Перамогай хойніцкіх спартсменаў завяршылася ў Мазыры абласное першынство па асенняму лёгкаатлетычнаму кросу, у якім прынялі ўдзел пасланцы ўсіх раёнаў вобласці і горада Гомеля. Асабліва важкі ўклад у камандны поспех унёс Максім Юшчанка: ён не толькі перамог на дыстанцыі 4000 метраў, але і паказаў абсалютна лепшы час для ўсіх узроставых катэгорый.

Спаборніцтвы інтэлектуалаў па шахматах і шашках прайшлі ў межах круглагадовай спартакіяды сярод калектываў фізічнай культуры прадпрыемстваў і арганізацый раёна.

Дыпломы ўсіх ступеняў прывезлі хойніцкія спартсмены з адкрытага першынства Гомельскай вобласці па спартыўнаму арыентаванню сярод моладзі. Усяго ў спаборніцтвах прымалі ўдзел 270 чалавек.

Выдатна выступілі хойніцкія дзюдаісты, у актыве якіх на адкрытым першынстве горада Гомеля два першыя месцы, столькі ж трэціх і адно другое.