Сельская гаспадарка
У мінулую пятніцу, у час знаходжання ў Смалявіцкім раёне Прэзідэнт Рэспублікі Беларусь А.Р. Лукашэнка, гаворачы аб недалёкай ужо азімай сяўбе, асаблівую ўвагу звярнуў на якасць насення збожжавых культур і азімага рапсу. І гэта невыпадкова, бо ад належных пасяўных кандыцый насеннага матэрыялу ў многім залежыць лёс будучага ўраджаю.
Дапамаглі вяскоўцам
Пасля таго як у раёне была завершана ўборка збожжавых культур на ўсёй адведзенай плошчы сельгаспрадпрыемствы накіравалі збожжаўборачныя камбайны на дапамогу вяскоўцам, якія вырошчвалі збажыну на сваіх прысядзібных участках. Гэтая работа паўсюдна была арганізавана належным чынам. Убрана 212 гектараў прыватных палеткаў, намалочана 583 тоны збожжа, сярэдняя ўраджайнасць склала 27,5 цэнтнера з гектара.
Калі прааналізаваць паказчыкі сельгаспрадпрыемстваў раёна на дарошчванні і адкорме буйной рагатай жывёлы за 7 месяцаў 2010 года, то на першы погляд яны не вельмі адрозніваюцца ад лічбаў, атрыманых за адпаведны перыяд мінулага года. Напрыклад, па валавых прывагах БРЖ у цэлым па раёну атрымана лічба 15523 цэнтнеры супраць 15612 ц у мінулым годзе – прыкладна аднаго парадку. А па сярэднясутачных прывагах нават атрыманы рост: 565 грамаў у 2010 годзе супраць 515 г у 2009-м (+50 г). Аднак, калі разглядваць паказчыкі гаспадарак, то малюнак атрымліваецца больш стракатым – адны ў студзені-ліпені бягучага года спрацавалі з плюсам, другія – з мінусам.
Спякота гэтага лета негатыўным чынам адбілася на рацыёне кармлення грамадскага, ды і прыватнага статка. Больш таго, гарачыня прымусіла гаспадаркі на 2-3 месяцы раней звычайнага перавесці жывёлу ў памяшканні, таму што адгонныя пашы ўжо не давалі належнай прадукцыйнасці і аддача ад іх стала мінімальнай.
Гарачая жніўная пара парадавала хайнічан сапраўдным “зоркападам” тысячнікаў. І зараз, калі ўборка падышла да фінішнай прамой, з палёў працягваюць даносіцца прыемныя навіны аб новых перадавіках нівы, пераадолеўшых тысячны рубеж. Лік герояў сёлетняй уборачнай папоўнілі вадзіцелі Барыс Георгіевіч Кузьменка з КСУП імя Мележа і Віктар Іосіфавіч Сташкевіч з КУП “Аравічы”. Кожны з іх адвёз на збожжаток больш за тысячу тон залатога груза – гэта вынік самаадданай працы, дбайнасці і высокага прафесіяналізму.
НАРЫХТОЎКА КАРМОЎ
З апярэджаннем мінулагодняга графіка нарыхтоўкі кармоў працуюць зараз гаспадаркі раёна.
У народзе кажуць: “Хто рана ўстае, таму Бог дае”. Гэта пра Ігара Васільевіча Пузырына, вадзіцеля КУП “Эксперыментальная база “Стралічава”. На хлебным полі ён ад цямна да цямна. Разам з капітанамі стэпавых караблёў – камбайнерамі – выходзіць на палетак у абдымку з пяшчотнымі сонечнымі промнямі і пакідае яго, калі яму на развітанне ківае сярпок яркага месяца на небе. Яго аўтамашына МАЗ-555142 штодзённа трымае маршрут поле – збожжаток, своечасова забяспечваючы рытмічную работу ўсяго ўборачнага канвеера. Узор прафесіяналізму і сумленных адносін да працы Ігара Васільевіча – пераадолены 27 ліпеня тысячны рубеж на адвозцы збожжа.
Анамальная ліпеньская спякота не толькі дрэнна адбіваецца на стане людзей, пакутвае і жывёла. З-за высокай тэмпературы паветра ў кароў парушаецца тэмпературны рэжым, што ў сваю чаргу выклікае падзенне прадукцыйнасці дойнага статка. Таму ўпраўленнем сельскай гаспадаркі і харчавання было прынята рашэнне аб пераводзе дойнага статка і маладняку ў жывёлагадоўчыя памяшканні, а там, дзе такой магчымасці пакуль што не існуе (з-за рамонту памяшканняў), кароў неабходна паставіць пад павеці. Зразумела, што пры гэтым дойны статак патрэбна поўнасцю забяспечыць зялёнымі кармамі, а маладняк БРЖ рэкамендавана перавесці на паўнацэнны зімовы рацыён кармлення, для чаго можна ўскрыць мінулагоднія сянажныя курганы – час, як кажуць, надышоў.
Напружаная ўборачная кампанія ў раёне перашагнула экватар, але ніва працягвае экзаменаваць камбайнераў на вытрымку. Судкоўскі экіпаж у складзе старшага камбайнера Рыгора Аляксандравіча Сцішанка і яго памочніка Мікалая Міхайлавіча Краўца – лідэр сёлетняга жніва. Механізатары прачынаюцца з першымі пеўнямі і ўжо з шасці гадзін раніцы за рулём камбайна. Не лічачыся з часам і стомленасцю, хлебаробы старанна працуюць і пасля заходу сонца, а вяртаюцца дамоў, калі над вёскай навісае ціхамірнае покрыва ночы. Тут іх чакаюць любячыя родныя, якія ў гэтую гарачую пару ўсяляк падтрымліваюць.
